శ్రీగురుని చరణాలు

శ్రీగురుని చరణాలు - గేయం 

----------------------------------

భావరాజు పద్మిని - 08/10/2014

శ్రీగురుని చరణాల భజియించు మనసా !

శ్రీధరుడే శరణని స్మరియించు మనసా !

గురు రూపమున నుండు సకల దేవతలు 

గురు వాక్కున నుండు సకల మంత్రాలు 

గురు పాదుకలనుండు సకల తీర్థాలు 

గురునెరింగిన జన్మధన్యమే మనసా !

గురు వరద హస్తమే భవరోగహరణం 

గురు రక్ష కవచమే ఆపన్నివారణం 

గురు కృపా దృష్టియే భవసాగర తరణం 

గురుసేవతో నీవు తరియించు మనసా !

గురు దర్శనమే నీకు శుభదాయకం 

గురు బోధలే నీకు మధు సేవనం 

గురు నామమే నీకు శుభ తారకం  

గురు సన్నిధే సిసలైన పెన్నిధే మనసా !