తొలకరికి స్వాగతం!
మబ్బూ మబ్బూ ఆకాశంలో అల్లుకుని,
నింగికి అందాల నీలి ముసుగు కప్పితే,
మెరుపుతీగల జిలుగు వెలుగులతో,
ఇదిగో, నే వస్తున్నా, అనే సంకేతంతో,
ఎదలోని ఆర్ధ్రతని చినుకులుగా కురిపిస్తే,
నేల, ఆ అమృత ప్రణయ వాహినిని--
ఆత్రంగా అందుకుని, భద్రంగా పొదువుకుని,
తన పులకింతను మట్టివాసనగా మార్చి,
చల్లటి మలయ సమీరంతో పంపితే--
చంచలగా పురివిప్పిన ప్రతి మనసు,
మధురంగా స్పందించి, పరవశిస్తూ ఆహ్వానిస్తుంది,
తొలకరికి స్వాగతం!
కామెంట్‌లు లేవు:
కామెంట్‌ను పోస్ట్ చేయండి